كيك ايس كريم

المقادير بدون تحديد كمية

شوكلاتة خام(انا استخدمت جالكسي)

ايس كريم نوعية كويسة(استخدمت باسكن روبنز)

اي كيك شوكلاته انا سويته نفس طريقة الكيك الوردية بس بدل كاس دقيق

3/4 والربع الباقي شوكلاتة بودرة هذي طريقتي المعتمدة لكيكة الشوكلاته

طبعا بدون اللون الآحمر ونكهة الفراولة:fl

الطريقة

1 نذوب الشوكلاته في حمام مائي او الماكرويف 1دقية وحدة

2 ندهن قوالب السيلكون بطبقة رقيقة من الشوكلاته وندخلها الفريزر 15 د

3 نوزع الايس كريم على القوالب ( نص القالب تقريبا ) وندخله الفريزر ونخليه لليوم الثاني

4 قبل التقديم بربع ساعة فتتي الكيك وحطيه ع الايس كريم مع الضغط عليه رجعيه للفريزر شوي بس يتماسك

طلعيها من القوالب واقلبيها بصحن التقديم وبالعافية

* مهم جدا تكون طبقة الشوكلاته رقيقة ولا بتعذبك وانتي تاكليها

لكن بكل الأحوال يمي

وبالعآافيه

♥|| حلى كاسات الــ ثُـلاثي الــ مرِح .. فخم وراقي ||♥ •

الحلى يتكون من أربع طبقات .. ~
الطبقة الأولى : طبقة بسكويت
الطبقة الثانية : الخليط الأبيض
الطبقة الثالثة : الخليط البني .. وهي خلطة الثلاثي المرح
الطبق الرابعة : الخليط الأصفر

وراح أبدأ معاكم .. بسم الله ..~

▨▨▨▨ المقادير والطريقة ▨▨▨▨

هذي صورة المقادير .. بتكفي لعمل 10 كاسات حلى
طبعاُ بتشوفون المارس مرتز بالصورة ..
حاب يتصور بس .. إلا ما له دخل بالموضوع ..؟!



▨▨▨▨ الطبقة الأولى : طبقة البسكويت ▨▨▨▨




حوالي 12 حبة بسكويت دايجستف
1 ملعقة صغيرة نسكافية
1ملعقة صغيرة سكر
شوية موية دافية


ضعي حبات بسكويت الدايجستف في كيس وكسريها بيدك ع خفيف ( مو محتاجة جهد كبير )
وحطيها بالكاسات
بعدين ذوبي النسكافيه مع السكر في المويه وشربي بها البسكويت ع خفيف !
لا تكثرين ويغرق .. ملعقتين في كل كاس بتكفي !

طبعاً بإمكانك تستخدمي كيك الشوكولا بالكريمة
لكني فضلت الدايجستف هالمرة
وفي المرات الجاية راح أغير .. وأحط كيك شكوكولاته بالكريمة ..~



▨▨▨▨ الطبقة الثانية : الخليط الأبيض▨▨▨▨

علبة كبيرة حليب مكثف محلى
8 حبات جبن كيري بحرارة المطبخ
ظرف واحد دريم ويب


تخلط جميع المقادير بالخلاط الكهربائي لحد ما يصير قوامها كثيف ..
وتصب فوق البسكويت بهدوء !

غطي الكاسات ..
ودخليها الثلاجة لحد ما يبرد الخليط ويتماسك ..
وفي أثناء ذلك جهزي مقادير الطبقة الثالثة ..~

▨▨▨▨ الطبقة الثالثة : خليط الثلاثي المرح ▨▨▨▨

2 علبة قشطة
2 ظرف دريم ويب
2 سنيكرس
2 تويكس
2 جالكسي بالمكسرات
وبإمكانك استخدام ــ جالكسي منيتشرز ــ مثل اللي بالصورة
2 ملعقة طعام حليب نيدو بودرة
1 ملعقة طعام شوكولاته بودرة غير محلاة
2 ملعقة طعام سكر
5 حبات بسكويت أوريو

قطعي الشوكليت ( السنيكرس والتويكس والجالكسي ) مكعبات ..
وسيحيها في حمام مائي حتى تذوب فقط

بعدين أضيفي القشطة وحركي الخليط مضبوط !

أضيفي الشوكلاته والحليب البودرة والسكر حسب ذوقك واخلطي !
لحد ما يتجانس الخليط معاك !

طبعا عشان الحمام المائي اللي سويناه .. بيكون الخليط حار
فــ لازم تبردينه في حمام ثلج قبل لا تضيفي الدريم ويب !
أو انتظري لحد ما يفتر شوي .. وع بال ما تكون الطبقة الثانية من الحلى بردت وتماسكت ..~

هذي صورة الدريم ويب بعد ما بردنا الخليط
وأضفناها له ..~



حركي مضبوط لحد ما يغلظ القوام ويصير كثيف
ويصبح معاك بهالشكل

جيبي بسكويت السمسم وغمسيه في الحليب ع خفيف وحطيه بالكاسات فوق خليط الشوكليت

بعدين صبي خليط الكريم كراميل بالتساوي
ورجعيه الثلاجة وخليه 6 ساعات لحد ما يبرد ويتماسك ..~

جيبي حبات الأوريو .. وافصليها عن بعض
( بيطلع معاك 10 حبات فردية )
غمسيهم في شوية حليب بارد وحطي في كل كاس حبه وحدة

بعدين صبي خليط الشوكليت ورجعيها الثلاجة !

▨▨▨▨ الطبقة الرابعة : الخليط الأصفر▨▨▨▨

2 علبة قشطة
2 باكيت كريم كراميل
ظرف دريم ويب
2 ملعقة طعام حليب بودرة
10 حبات بسكويت بالسمسم
2 حبة فقط جالكسي منيتشرز
عشان نكسر لون الخليط وما يكون أصفر مرة [ اختياري ]

اخلطي المقادير مع بعض ما عدا البسكويت .. وما يحتاج حمام مائي ولا شيء
بس لو محتاج سكر أضيفي ملعقة صغيرة وحدة بس حسب رغبتك !

• ♥|| حلى كاسات الــ ثُـلاثي الــ مرِح .. فخم وراقي ||♥ •

▨▨▨▨ التزيين والصور النهائية ▨▨▨▨

لتزيين الحلى .. جمدي 10 حبات جالكسي منيتتشرز
وابشريها بواسطة سكين نصلها عريض
عشان تطلع معاك بنفس الشكل اللي بالصورة
وقبل التقديم بوقت .. وبعد ما يبرد الحلى ويتماسك .. حطيها ع الوجه مباشرة
ومو شرط هالطريقة
تقدري تستخدمي أي طريقة ثانية ..
وإنتي وذوقك ..~

وهذي الصورة النهائية ..~

هذي الكاسات الأربع الأخرى اللي سويتها
بالإضافة للــ 6 اللي قبل ..~

صورة من زاوية أخرى ..~

وهذي الكاسة لأول وحدة ترد ع الموضوع ..~
*ــ^

▨▨▨▨▨▨▨▨▨

حلا كاسات سهل ومجرب مني انا شخصيا

المقادير …

1- علبة حليب نستله حجم كبير
2- علبة قشطه
3- 6 حبات جبن كيري
4- ظرف دريم وب
5- ظرف كريم كرامل
6- 3ملاعق حليب جاف
7- ملعقة نسكافة
8- (1) بسكوت شاي مطحون
9- مسحوق كاكاو حسب الرغبة (ملعقة كبيره)
10- فستق وبسكوت رينقو للزينة ..

الطريقة:-

نضع من (1) إلى (8) بالخلاط حتى يتجانس …
فيه مشكله وهي البسكوت بعد الطحن لاتحطونه جميع
يوضع على دفعات لاني بغيت احرق الخلاط .

ثم نضع الخليط في علبتان متساويتان بالحجم …

ونضع على إحداهما الكاكاو المسحوق …

ثم نضع كلا منهما في كيس مستقل

ونقوم بقص أطراف الأكياس بالمقص …

وتصب بالأكواب بالشكل الموضح …

ونزينها بالفستق وأصابع البسكويت …

وهذا شكله النهائي .

وبالصحة والعافية

حلا كاسات

حلى الكاسات

طبعاً هذا حلى لزييييييييييز بينقدم ع السفره او بعد السفره مع القهوه انا قدمته بعد السفره مع القهوه

نبدا اول شي بالمقادير
المقادير
ظرف دريم ويب
فنجان سكر ناعم
4حبات جبن كيري
ظرف بسكوت شاي
3 سنكرز
3 مارس
2 قشطه
حليب نستله

الطريقه
الطبقه الاولى
اول شي نقوم بطحن بسكوت الشاي

اضف عليه السكر الناعم و علبة قشطه وظرف الدريم ويب وفنجان ماء
واخلطهم مع بعض

وبعدين حطيهم بالكاسات

الطبقه الثانيه
3 مارس و3 سنكرز نذوبهم شوي حتى يسهل خلطها مو تحطوها وهي بارده تكسر الخلاط عليكم *_^
بعدين اخلطيها بالخلاط مع علبة القشطه

وهذا شكلها بعد م خلطنها مع بعض

وبعدين نحطها ع الطبقه الاولى مثل م انتم شايفين بالصوره

وبعدين نحطها في الثلاجه ع بال م نخلط الطبقه الثالثه بس علشان لا حطين الطبقه الاخيره م تختلط ع الطبقه الثانيه
الطبقه الثالثه
4 حبات جبن كيري مع علبة نستله نخلطهم بالخلاط
وهذا بعد م خلطناهم

وبعدين انحطها ع الطبقه الثانيه

واخر شي نزينها ع طريقتنا

مثلاً بسكوت سجاير مثل م انا سويت

او تبشروو بسكوت فلك كمان منظره مرررره خطير
او بسكوت اوريو
……..الخ
وبعدين اندخلها الثلاجه لين تبرد
ونقدمها